Ֆիլիպ Ջեսափի անվան

միջազգային իրավունքի մրցույթ

 
Իրավաբանների նոր սերունդ
ՋԵՍԱՓԻ ԳԱՎԱԹ 2006
Ջեսափի գավաթ

2006 ՄՐՑՈՒՅԹԻ ԿԱՆՈՆՆԵՐ

Կանոնների փոփոխություններ
Պաշտոնական կանոններ

Ազգային մրցափուլերի կանոններ

ԺԱՄԱՆԱԿԱՑՈՒՅՑ
Հայաստանյան մրցափուլ
Միջազգային մրցույթ

ՄՐՑՈՒՅԹԻ ԹԵՄԱ
Մրցույթի թեմա
Հատուկ համաձայնագիր
Կոմպրոմիս
Կոմպրոմիսի հավելվածներ
Կոմպրոմիսի պարզաբանումներ
Իրավաբանական շտեմարան

 

ՄՐՑՈՒՅԹԻ ՓԱՍՏԱԹՂԹԵՐ
Հայտարարություն
Գրանցման ձև

ՄՐՑՈՒՅԹԻ ԱՐԴՅՈՒՆՔՆԵՐ
Հայաստանյան մրցափուլ
Միջազգային մրցափուլ

 

ՄՐՑՈՒՅԹԻ ՖՈՏՈԱԼԲՈՄ
Հայաստանյան մրցափուլ
Միջազգային մրցափուլ

 

Մրցույթի հովանավորները
Մրցույթի մասին

 

Ամփոփում

 

Հայաստանյան մրցափուլ

 

Գլոբալիզացիայի ու ինտեգրացման գործընթացների համատեքստում ցանկացած երևույթ կարող է զարգանալ ու կատարելագործվել այլ նմանատիպ երևույթների հետ հարաբերակցվելու, համեմատվելու, վերջիններիս դրական փորձը փոխառելու միջոցով: Բացառություն չէ նաև պետությունը… Այս նպաատկին հասնելու համար մեծ գործ ունի անելու երիտասարդ սերունդը, որին պետք է հնարավորություն տալ և նախապատրաստել իրականացնելու այդ բարդ առաքելությունը: Նման հնարավորություն է նաև «Ֆիլիպ Ջեսափի անվան» դատախաղ մրցույթը:

«Ֆիլիպ Ջեսափի անվան միջազգային իրավունքի դատախաղ» մրցույթն անց է կացվում 1959թ.-ից` աշխարհի շուրջ 90 երկրներում: Մրցույթը կրում է Միջազգային դատարանի դատավոր Ֆիլիպ Ջեսափի անունը և բավականին մեծ տարածում ու հեղինակություն ունի աշխարհում: Այն նպաստում է իրավաբան ուսանողների կողմից միջազգային, նախադեպային և սովորութային իրավունքների կիրառման առանձնահատկությունների առավել լիարժեք ուսումնասիրմանը, փաստաբանական գրավոր և բանավոր հմտությունների զարգացմանը, հնարավորություն է տալիս ուսանողներին բանավեճ ծավալել միջազգային արդիական հիմնախնդիրների շուրջ, որն ավելի է կարևորվում իրավական տարբեր համակարգերի տարբերության համատեքստում: Մրցույթն ուսուցողական է և մեծ հետաքրքրություն է առաջացնում ուսանողների շրջանում: Մրցույթն անցկացվում է միջազգային և ազգային մրցափուլերով: Յուրաքանչյուր մրցափուլ իր հերթին անց է կացվում 2` գրավոր և բանավոր փուլերով:

Հայաստանում այս տարի 6-րդ անգամ կայացավ «Ֆիլիպ Ջեսափի անվան միջազգային իրավունքի դատախաղ» մրցույթի հայաստանյան մրցափուլը, որը կազմակերպվել էր Հայաստանի երիտասարդ իրավաբանների ասոցիացիայի, Հայաստանի Իրավաբանական հիմնադրամի և «ԼԻԳԼ ԸԼԱՅԸՆՍ» իրավաբանական ընկերության կողմից` ՀՀ-ում ԱՄՆ դեսպանատան աջակցությամբ:
«2006թ.-ի Ֆիլիպ Ջեսափի անվան միջազգային իրավունքի դատախաղ» մրցույթի հայաստանյան մրցափուլի մասնակցության հայտ էին ներկայացրել 13 թիմեր` Երևանից և ՀՀ մարզերից, որոնցից 7-ը մասնակցեցին բանավոր փուլին: Որպես մրցույթի դատավոր` ժյուրիի կազմում ընդգրկվել էին միջազգային իրավունքի ոլորտում Հայաստանի լավագույն մասնագետներ` տարբեր պետական ու ոչ պետական մարմինների աշխատակիցներ, փաստաբաններ:
2006թ.-ի փետրվարի 4-ին և 5-ին Երևանի Արմենիա Մարիոթ հյուրանոցում տեղի ունեցավ «2006թ.-ի Ֆիլիպ Ջեսափի անվան միջազգային իրավունքի դատախաղ» մրցույթի հայաստանյան մրցափուլի բանավոր փուլը: Փետրվարի 4-ին, հաստատված ժամանակցույցին համապատասխան, անցկացվեցին մրցույթի 1-ին, 2-րդ, 3-րդ նախնական մրցափուլերը, իսկ փետրվարի 5-ին` մրցույթի 4-րդ նախնական, կիսաեզրափակիչ և եզրափակիչ փուլերը:

2006թ.-ի Ֆիլիպ Ջեսափի անվան միջազգային իրավունքի դատախաղ» մրցույթի հայաստանյան մրցափուլի հաղթող ճանաչվեց Ռուս-հայկական (Սլավոնական) պետական համալսարանի իրավաբանական ֆակուլտետը ներկայացնող թիմը: «2006թ.-ի Ֆիլիպ Ջեսափի անվան միջազգային իրավունքի դատախաղ» մրցույթի հայաստանյան մրցափուլի լավագույն հայցադիմում ճանաչվեց նույն համալսարանի թիմի հայցադիմումը, թիմի ներկայացուցիչներ Արա Խզմալյանը և Հայկ Ղազազյանը ճանաչվեցին հայաստանյան մրցափուլի նախնական փուլերի լավագույն բանախոսներ, իսկ Արա Խզմալյանը ճանաչվեց նաև հայաստանյան մրցափուլի լավագույն բանախոս:
Հայաստանյան մրցափուլը եզրափակվեց հանդիսավոր մրցանակաբաշխությամբ: Հայաստանյան մրցափուլի հաղթող և 2-րդ տեղ գրաված թիմերին, հայաստանյան մրցափուլի և նախնական փուլերի լավագույն բանախոսներին պաշտոնական արարողությամբ շնորհվեցին համապատասխան հավաստագրեր, որոնք հանձնեցին Հայաստանի երիտասարդ իրավաբանների ասոցիացիայի նախագահ Կ.Զադոյանը և մրցույթի ազգային կառավարիչ Լ.Աբգարյանը: Մրցույթի վերաբերյալ իրենց կարծիքներն արտահայտեցին Մարդու իրավունքների և ժողովրդավարության ինստիտուտի նախագահ Արմինե Առաքելյանը, Հայաստանի երիտասարդ իրավաբանների ասոցիացիայի նախագահ Կ.Զադոյանը, մրցույթի դատավոր Վ.Գասպարյանը և մրցույթի ազգային կառավարիչ Լ.Աբգարյանը:

Ռուս-հայկական (Սլավոնական) պետական համալսարանի իրավաբանական ֆակուլտետի թիմը մարտի 26-ից ապրիլի 2-ը Վաշինգթոնում կմասնակցի մրցույթի միջազգային մրցափուլին:

 

Միջազգային մրցափուլ

 

ASAID Սույն կայքի վերակառուցման ծրագիրը հնարավոր է դարձել Ամերիկայի ժողովրդի օգնության շնորհիվ` Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) միջոցով տրամադրվող օժանդակությամբ: Բովանդակությունը կարող է չարտացոլել ԱՄՆ ՄԶԳ կամ ԱՄՆ կառավարության տեսակետները:

Պատրաստված է՝ "Շահումյան Մեդիա"–ում